Saepe expugnaverunt. The church of God is invincible: her persecutors come to nothing.

 1 Canticum graduum. Saepe expugnaverunt me a juventute mea, dicat nunc Israel;  2 saepe expugnaverunt me a juventute mea; etenim non potuerunt mihi.  3 Supra dorsum meum fabricaverunt peccatores; prolongaverunt iniquitatem suam.  4 Dominus justus concidit cervices peccatorum.  5 Confundantur, et convertantur retrorsum omnes qui oderunt Sion.

 6 Fiant sicut foenum tectorum, quod priusquam evellatur exaruit,  7 de quo non implevit manum suam qui metit, et sinum suum qui manipulos colligit.  8 Et non dixerunt qui praeteribant : Benedictio Domini super vos. Benediximus vobis in nomine Domini.